UK Markets closed

Festi hf.: Afkoma á 1. ársfjórðungi 2021

Festi hf.
·1-min read

Helstu niðurstöður

  • Framlegð af vöru- og þjónustusölu nam 5.144 millj. kr. samanborið við 4.304 millj. kr. á 1F 2020, sem samsvarar 19,5% hækkun milli ára.

  • EBITDA nam 1.505 millj. kr. samanborið við 1.021 millj. kr. á 1F 2020, sem jafngildir 47,5% hækkun.

  • Framlegð af vörusölu var 24,6% á 1F 2021 en framlegðin var 22,9% á sama fjórðungi árið áður.

  • Kostnaður vegna COVID-19 var 37 millj. kr. á 1F 2021 en var 48 millj. kr. á sama fjórðungi árið áður.

  • Eigið fé í lok 1F 2021 var 29.227 m.kr. og eiginfjárhlutfall 34,8% samanborið við 35,7% í lok árs 2020.

  • Nettó vaxtaberandi skuldir án leiguskuldbindinga var 30.276 millj. kr. í lok 1F 2021 samanborið við 29.986 millj. kr. í lok 2020.

  • EBITDA spá félagsins fyrir árið 2021 er hækkuð um 400 millj. kr. og er nú 7.900 - 8.300 millj. kr.


Eggert Þór Kristófersson, forstjóri Festi:

Niðurstaða fyrsta ársfjórðungs er mjög ánægjuleg miðað við þær samkomutakmarkanir sem verið hafa og öll félög samstæðunnar bættu rekstur sinn samanborið við fyrsta ársfjórðung 2020. Starfsfólk okkar hefur að venju staðið sig frábærlega við þessar aðstæður og vil ég þakka þeim fyrir góð störf. Nú hillir undir lokin á heimsfaraldrinum þar sem bólusetningar ganga betur og vonandi getum við farið að horfa til betri tíma um mitt ár og aukin umsvif. ELKO hefur verið að auka söluna í gegnum vefverslun og sýnir fyrirtækið mikla aðlögunarhæfni við mjög breyttar aðstæður. Krónan hefur verið leiðandi í að bjóða upp á aukin ferskleika og heilsusamlega valkosti sem viðskiptavinir hafa tekið vel. N1 hefur þurft að fækka starfsfólki vegna samkomutakmarkana en kaupin á Ísey skyrbar hafa aukið umsvif á þjónustustöðvum félagsins.

Attachments