Yahoo Finance 
Múlaþing - nýtt nafn á sameinuðu sveitarfélagi og fjáhagsáætlun 2021-2024
Múlaþing nýtt sameinað sveitarfélag.
Það tilkynnist hér með að sameining á nýju sveitarfélagi á Austurlandi sem formlega tók gildi í byrjun október 2020, hefur fengið nafnið Múlaþing eftir 2 umræður í sveitarstjórn og verið staðfest af Sveitarstjórnarráðuneytinu. Fráfarandi sveitarfélög sem mynda hið nýja sveitarfélag eru Borgarfjarðarhreppur, Djúpavogshreppur, Fljótsdalshérað og Seyðisfjarðarkaupstaður.
Kennitala: 660220-1350
Sveitarfélagsnúmer: 7400
Tilkynnist hér með.
Björn Ingimarsson, Sveitarstjóri Múlaþings
Fjárhagsáætlun 2021 – 2024
Tillaga að fyrstu fjárhagsáætlun Múlaþings fyrir árið 2021 ásamt 3ja ára áætlun fyrir 2022-2024 verður lögð fram til fyrri umræðu í sveitarstjórn Múlaþings á fundi þann 11. nóvember 2020. Seinni umræða er áætluð þann 11. desember 2020. Var áætluninn afgreidd af byggðaráði þann 3. nóvember og vísað til fyrri umræðu.
Tillaga að framlagðri fjárhagsáætlun er byggð á þeirri vinnu og þeim römmum sem unnin var síðastliðið sumar af starfsmönnum og nefndum þeirra sveitarfélaga sem nú heyra undir hið nýja sveitarfélag Múlaþing.
Samkvæmt sveitarstjórnarlögum skal fjárhagsáætlun vera tilbúin eigi síðar en 1. nóvember til fyrri umræðu í sveitarstjórn og skal samþykkt eigi síðar en 15. desember.
Þriggja ára áætlun er hluti af þeirri áætlun sem hér er lögð fram.
Þar sem þetta er í fyrsta skipti sem lögð er fram fjárhagsáætlun fyrir hið nýja sameinaða sveitarfélag Múlaþing, þar sem sameining tók formlega gildi í byrjun október 2020, er ljóst að á milli umræðna í sveitarstjórn getur áætlunin tekið einhverjum breytingum. Verið er að ljúka 9 mánaða lokun á bókhaldi fráfarandi sveitarfélaga og mun sú vinna væntanlega klárast nú í nóvembermánuði.
Helstu niðurstöður fjárhagsáætlunar 2021-2024
Rekstarafkoma A og B hluta samkvæmt fyrirliggjandi tillögu til fyrri umræðu er jákvæð á árinu 2021 um 160 millj. kr. En afkoma af rekstri A hluta er neikvæð um 163 millj. kr.
Skatttekjur hækka um 201 millj. kr. á milli áranna 2020 og 2021 og nema 5.360 millj. kr. sem er 4% hækkun.
Útsvarstekjur nema 2.947 millj. kr. og hækka 7,4% miðað við útkomuspá fyrir árið 2020.
Áætlað er að fasteignaskattur nemi um 622 millj. kr. sem er 3,8% hækkun frá 2020.
Framlög Jöfnunarsjóðs nema 1.856 millj. kr. sem er 1,2% lækkun frá áætlaðri útkomu 2020.
Innri leiga á málaflokka í rammaáætlun hækkar almennt um 2,3% frá áætlun ársins 2020.
Í útkomuspá launa fyrir árið 2020 er áætluð niðurstaða A hluta um 3.446 millj. kr. en verða um 3.912 millj. kr. á árinu 2021 sem gerir um 13,5% hækkun á milli ára.
Framlegð (EBITDA) í A hluta er áætluð 404 millj. kr. eða 6,3% og í samstæðu A og B hluta er framlegð áætluð 1.036 millj. kr. eða 14%.
Fjárfestingar A hluta nemi 700 millj. kr. nettó samkvæmt forsendum áætlunar
Fjárfestingar B hluta nemi um 370 millj. kr nettó samkvæmt forsendum áætlunar en fyrirvari er um endanlega fjárfestingar HEF vegna veitna.
Þar sem þetta er í fyrsta sinn sem lögð er fram áætlun fyrir Múlaþing og mánuður er síðan sameingin tók formlega gildi, skal hafa í huga að fyrirliggjandi áætlun er byggð á þeirri undirbúningsvinnu sem unnin var hjá fráfarandi sveitarstjórnum fyrr á árinu. Því verður áfram unnið á milli umræðna með frekari yfirferð er varðar útkomuspá 2020, uppfærða launaáætlun og ítarefni er varðar greinargerð. Eins er fyrirvari varðandi endanlega áætlun HEF fyrir veiturnar.
Björn Ingimarsson, sveitarstjóri Múlaþings
Attachment
